“Чароўны свет беларускага фальклору”. Так называўся ўрок па беларускай літаратуры ў 5 “А”, які быў падрыхтаваны і праведзены сумесна з Вейнянскай сельскай бібліятэкай 14.10.2021 г. Падчас наведвання бібліятэкі дзеці ўзгадалі беларускія народныя казкі, з якімі пазнаёміліся на ўроках беларускай літаратуры, разгадвалі загадкі, слухалі народныя песні, гулялі ў беларукую народную гульню. Загадчык бібліятэкі Святлана Уладзіміраўна Церашкова пазнаёміла рабят таксама і з беларускімі абрадамі, якія звязаны з жыццёвым цыклам чалавека, а ў абрадзе нашэптавання пажаданняў ў маленькія гліняныя жбанчыкі-шаптунчык дзеці нават прынялі непасрэдны ўдзел. Вярталіся ў школу хлопчыкі і дзяўчынкі ў добрым настроі, а ўражаннямі ад дзівоснага бібліятэчнага ўрока дзяліліся на працягу ўсяго дня.