21 лютага ва ўсім свеце адзначаецца Міжнародны дзень роднай мовы. Свята ўзнікла, каб папярэдзіць знікненне ўнікальных гаворак і захаваць моўную разнастайнасць, родную культуру.

  У гэты дзень вучням і настаўнікам было прапанавана гаварыць па-беларуску. Зранку можна было атрымаць цукерку за прывітанне) На кожным перапынку праводзіліся хвілінкі беларускай паэзіі, у бібліятэцы была арганізавана выстава кніг класікаў беларускай літаратуры, а скончыўся дзень конкурсам чытальнікаў, дзе навучэнцы прадэманстравалі свае уменні ў выразным чытанні вершаў.